Një shoqëri që e zotëron maskimin, duke e mbuluar të keqën e vet me trumbetim të së mirës, e duke e kamufluar poshtërsinë e vet me spikatje të aforizmave të virtytit, është një shoqëri torollake. E po, kujt po ia mbulon ligësinë prej të cilës po vuan, nëse koston dhe epilogun e saj e paguan vetë?! E, Hasan el-Basriu do të thoshte: “Nuk vjen Kiameti, veçse në krye të çdo populli do të shohësh hipokritët.” - 02.10.2026
Ambiciet që mësohen në sytë e hijerëndëve dhe në shoqërinë e urtarëve, janë rrugëtime pazë, e epilogje me jehonë. 20.09.2026
Sa faqe kodrash mezi ngjiten, e pas një përpjeteje të vështirë, vizioni i ri në rrafshin ku ke zbritur, duhet të jetë edhe më i qartë: o ruaje kapitalin e arrirë, o rrëfe për shtigjet e kaluara, o zgjidh kodrina të lehta të përballueshme për forcën që ka ngelur. Më mirë sesa të marrësh tatëpjetën, “pensioni është për burra”. Shkup, 25.08.2026
Sa e sa herë, këmbëngulja jote për RRUGËDALJE, ishte e pasuksseshme... sepse nuk provove ta gjesh një shteg tjetër. N'shoqëri, n'punë, n'familje, e n'fetari, shpesh ngjarjen e dështimit e ke tek këmbëngulja e gabuar, tek vizioni i ngushtë dhe tek mosguximi për të zbuluar shtigje të reja. Kumanovë, 17.08.2026
Trumbeton për hapësirë, kurse vuajtja është për rol. Kumbon për ideal, porse synimi është për interes. Ushton për shoqëri, ndërkaq caku është për klan. Zhurmon për ardhmëri, kurse pazari është për sot. Drama quhet mision, viktima është daveti. - Shkup, 04.05.2026
Hoxhë Mirsim Maliçi
E mërkurë
(ligjëratë javore (30 min. pas ezanit të akshamit))
te mektebi i Medarixhit (rr. Qemal Ataturk, Shkup)
I nderuari lexues, nga vrojtimet e mia bërë Kuranit, kam gjetur se nocionet dituria dhe besimi shpesh përmenden bashkërisht dhe afër njëra-tjetrës. Madje, Zoti i Lartësuar do ta merrte për dëshmi fjalën e një pale njerëzish, identiteti i të cilëve është bashkëdyzimi i dijes me besimin: “E, ata të...
Lexo më shumë
14. Askush s’e meriton ibadetin, pos Allahut - Hoxhë Mirsim Maliçi
25. Të jesh në hall me vetvetën - Hoxhë Mirsim Maliçi
