Vrojtime
18 Gusht, 2025
1 min lexim
Fetaria e varur për emocione
Hoxhë Mirsim Maliçi
Fetaria e varur për emocione dhe kërkimi i pafund i diçkaje emocionale që ta këndjell fetarinë, është, mes tjerash, një shpërfaqje e frikshme e mosgatishmërisë për t’u sistemuar në fe: dëgjuam dhe u bindëm. Kjo fetari “u emocionova dhe u binda” ka pritshmëri që mezi shihet, kundrejt fetarisë së ubudijës, nënshtrimit, pasimit dhe argumentit, që pritshmëritë i ka me shumëfishim, anipse i duhet të mbajë gacën në dorë. Njerëzve normalë u duhet, fjala bie, për punën e tyre, ta dinë kontratën, obligimet, orarin, rregullat, e tjerë, por jo që çdo ditë nisen për punë me fjalime motivuese. Motivimi është shtysë, vetëdija është përcaktim; emocioni është fërkim sysh, dija është zgjim. Zgjohu dhe përcaktohu: rob i nënshtruar i Allahut të Madhërishëm.
